କରସାହାଣ୍ଡି ଗ୍ରାମର ଆଦିମାତା ମନ୍ଦିରରେ ଭବ୍ୟ ଦିବ୍ୟ କାର୍ଯ୍ୟକ୍ରମ ରତ୍ନମୁଦ ସ୍ଥାପନ
କରସାହାଣ୍ଡି ଗ୍ରାମର ଆଦିମାତା ମନ୍ଦିରରେ ଭବ୍ୟ ଦିବ୍ୟ କାର୍ଯ୍ୟକ୍ରମ ରତ୍ନମୁଦ ସ୍ଥାପନ |
ଝରୀଗାଁ (ବ୍ରାହ୍ମ ମୁହୂର୍ତ୍ତ)ତା 14/07-ନବରଙ୍ଗପୁର ଜିଲ୍ଲା ଝରୀଗାଁ ତଥା ଝରୀଗାଁ ଗ୍ରାମ ପଞ୍ଚାୟତ ଅନ୍ତର୍ଗତ କରସାହାଣ୍ଡି ଗ୍ରାମର ଆଦିମାତା(ଦୁର୍ଗା )ଙ୍କ ନୂତନ ମନ୍ଦିରର ନିର୍ମାଣ କାର୍ଯ୍ୟ 45ଦିନରେ ପହଞ୍ଚିଥିବା ବେଳେ ଆଜି ମନ୍ଦିରରେ ରତ୍ନମୁଦ ସ୍ଥାପନ ହୋଇଯାଇଛି |ଉକ୍ତ ମାଙ୍ଗଳିକ କାର୍ଯ୍ୟକ୍ରମରେ ଗ୍ରାମର ପ୍ରଫୁଲ୍ଲ ପାଣ୍ଡେ ଏବଂ ତାଙ୍କର ସହ ଧର୍ମିଣୀ ଚନ୍ଦ୍ରକଳା ପାଣ୍ଡେ କର୍ତା ଭାବେ କାର୍ଯ୍ୟ ତୁଲେଇ ଥିବା ବେଳେ ରମେଶ ଚନ୍ଦ୍ର ପାଣ୍ଡେ ପୁରୋହିତ ଭାବେ କାର୍ଯ୍ୟ ତୁଲାଇଛନ୍ତି |ଗ୍ରାମ ତଥା ଆଖପାଖ ଅଂଚଳର ଶତାଧିକ ଶ୍ରଦ୍ଧାଳୁ ଙ୍କ ଭିଡ଼ ଜମିଥିବା ଦେଖିବାକୁ ମିଳିଛି |ଶ୍ରଦ୍ଧାଳୁ ତଥା ମାଁ ଙ୍କ ଉପାସକ ମାନେ ମାଁ ଙ୍କ ଦାନହୁଣ୍ଡୀରେ ସୁନା, ରୁପା, ଚାନ୍ଦି ଆଦି ଧାତୁ ଓ ଧାନ, ବିରି, କାନ୍ଦୁଲ, କୋଳଥ ତଥା ନାନା ପ୍ରକାରର ଶସ୍ୟ ସବୁ ଦାନ କରିଥିବା ଦୃଷ୍ଟି ଗୋଚର ହୋଇଛି |ପୂର୍ବରୁ ଗ୍ରାମରେ ମାଁ ଙ୍କ ଏକ ଚାଲଛପର ମନ୍ଦିର ଥିଲା ଓ ସେଠାରେ ମାଁ ଙ୍କ ପୂଜାର୍ଚନା ହେବା ସହିତ ପ୍ରତିବର୍ଷ ମାର୍ଗଶିର ମାସରେ ନବରାତ୍ରୀ ମଧ୍ୟ ପାଳନ କରାଯାଉଥିଲା |ବର୍ତମାନ ଗ୍ରାମବାସୀ ଙ୍କ ମିଳିତ ଉଦ୍ୟମରେ ପୁରୁଣା ମନ୍ଦିର କୁ ଭାଙ୍ଗି ଏକ ନୂତନ ମନ୍ଦିର ତିଆରି ଚାଲିଛି ଗ୍ରାମବାସୀ ଙ୍କ ଶ୍ରମଦାନ ଯୋଗୁଁ ବର୍ତମାନ ଏକ ସୁନ୍ଦର ମନ୍ଦିର ତିଆରି ଚାଲିଛି |ଗ୍ରାମର ପଦ୍ମନାଭ ପାଣ୍ଡେ, ଚନ୍ଦ୍ରଭାନୁ ନାୟକ, ପବିତ୍ର ନାୟକ, ରୁଦ୍ର ପ୍ରସାଦ ପାଣ୍ଡେ, ଖଗେଶ୍ୱର ପାଣ୍ଡେ, ପ୍ରେମାନନ୍ଦ ପାଣ୍ଡେ, ପବିତ୍ର ପାଣ୍ଡେ, ଗୋପାଳ ପାଣ୍ଡେ ପ୍ରମୁଖ ଭଦ୍ରବ୍ୟକ୍ତି ମାନେ ଉପସ୍ଥିତ ରହି ମା ଙ୍କ ରତ୍ନମୁଦ କାର୍ଯ୍ୟକ୍ରମ ର ଗୁରୁ ଦାୟିତ୍ୱ ତୁଲେଇଛନ୍ତି |
ଆଶା କରୁଛୁ ଆପଣ ସଭିଙ୍କୁ ବ୍ରାହ୍ମ ମୁହୂର୍ତ୍ତ ଖବରକାଗଜ ପୋର୍ଟାଲ ନିଶ୍ଚୟ ଭଲଲାଗିଲା ସବୁବେଳେ ଏମିତି ଆପଣଙ୍କ ଅଞ୍ଚଳର ପ୍ରତ୍ୟେକ ଟିକିନିଖି ଖବର ପ୍ରସାରିତ ଆମ ପ୍ରତିନିଧି ସହିତ ଯୋଗାଯୋଗ କରନ୍ତୁ।
Comments
Post a Comment